الوقت…. من منكم يستطيع تعريف الوقت تعريفا دقيقا؟؟

الوقت من وجهة نظرى هو اهم شى فى الحياة ،،بل هو الحياة نفسها..

وهو نعمة عظيمة من نعم الله التى لا تعد ولا تحصى،،، ولكن قد تتحول هذه النعمة الى نقمة عندما لا نجيد استغلاله..

فالوقت كالسيف ان لم تقطعه قطعك…… وسنسأل يوم القيامة عن اوقاتنا وكيفية استغلالنا لها،،،ولقد شدد رسول الله صلى الله عليه وسلم على اهمية اغتنام الفراغ قبل الشغل…

لقد كان لى شرف الاطلاع على رسالة دكتوراه عن ادارة الوقت،،،والحق اننى استفدت جدا منها ،،،،، وعلى قدر استفادتى منها على قدر حزنى على ما اضيعه من وقت فى ما لا يفيد….اسوأ شى انك تكتشف تفاهتك!!!!

ولقد لفت انتباهى اشارة صاحب الرسالة الى دراسة اجراها احد الباحثين قسم فيها الوقت الى ثلاثة اقسام:

1-الوقت المباع: وهو الوقت الذى نقضيه فى العمل ونتقاضى عليه اجر..

2-وقت الصيانة:وهو وقت الراحة..والاكل والنوم والاستجمام … وما الى ذلك ،، يعنى انت بتعمل صيانة لجسمك فى هذا الوقت..

3- الوقت الحر: وهو ده مربط الفرس،،، الوقت ده هو اللى بيعمل فروق بين الناس.. فعلى قدر استغلالك للوقت الحر اللى هو وقت الفراغ ..على قدر ما بتطور مهاراتك وامكانياتك ،، اما بقى لو ضيعته فى ما لا ينفع يبقى انت حر…..

يا ترى احنا فين من التقسيمة دى؟؟!!!

هل منا من يقسم وقته هذا التقسيم الدقيق؟؟ ام اننا ماشين فى الدنيا كدة .. من غير نظام ولا تحكم فى النفس؟؟

تخيل لو فطنا لاهمية الوقت!! العملية هتفرق كتييير قوى ،،، يا ريت كل واحد فينا يقف مع نفسه شوية ويراجعها ويربيها(اللى هى نفسه) قبل فوات الاوان …وقبل ما نقول ليت ما جرى ما كان….

انتظر ردودكم واراؤكم واقتراحاتكم فى تنظيم الوقت…